Nuk kanë të ndalur pamjet tragjike që vijnë nga ekipet e kërkim shpëtimit në rrënojat në Turqi. Në rrjete është publikuar një video emucionuese e një fëmijë 3-vjeçar i cili ka ngecur në rrënoja.

Ekipet e kërkim shpëtimit mundohen t’i japin ujë përmes kapakut të një shisheje, teksa vijojnë punën për nxjerrjen e tij..

3-vjeçari Arif Kan është nxjerrë pas 43 orëve që qëndroi nën rrënoja, teksa pamjet e tijë duke pirë ujë kanë bërë xhiron e rrjetit.

Kujtojmë se tërmeti tragjik goditi Turqinë mëngjesin e së hënës duke shkaktuar mbi 8700 viktima dhe mijëra të plagosur.

Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.

Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.

Ekipet e emergjencave po punojnë për nxjerrjen e personave që ndodhen nën rrënoja.