Të paktën tetë persona janë vrarë dhe dhjetëra të tjerë janë plagosur në një festival në Hjuston , raporton BBC.

Paniku shpërtheu pasi turma filloi të ngjeshej drejt pjesës së përparme të skenës në Festivalin Astroworld të Travis Scott.

Disa nga viktimat thuhet se janë fëmijë deri në 10 vjeç.

Pamjet në mediat sociale tregojnë një skenë shqetësuese teksa mjekët kryejnë ndërhyrje të shpejta mbi disa njerëz në dysheme brenda turmës ndërsa shfaqja vazhdon në skenë.

Rreth dy duzina njerëz u dërguan me urgjencë në spitalet në Hjuston dhe Teksas.

Skenat tragjike u shpalosën në natën e hapjes së festivalit të tretë vjetor të muzikës Astroworld që po mbahej në NRG Park në qytetin amerikan.