Bent Höie, ministri norvegjez i Shëndetësisë  ka njoftuar se vendi ka vënë nën kontroll pandeminë e koronavirusit të ri (Covid-19), raporton Anadolu.

Höie në një konferencë për media tha se në Norvegji para masave kundër Covid-19, një person infektonte 2,5 persona ndërsa pas masave të ashpra të ndërmarra muajin e kaluar shifra ka rënë në 0,7.

“Po të mos kishim marrë masa të ashpra do të përjetonim atë që ndodhi në vendet tjera evropiane”, tha ai.

Sipas tij të dhënat e përditësuara statistikore tregojnë se në vend nuk ka rritje të numrit të rasteve me koronavirus. Ai shtoi se numri i pacientëve që ndodhen në spitale do të zvogëlohet në ditët në vijim.

Në Norvegji janë testuar 111.299 persona ndërsa prej atyre 5.755 janë diagnostikuar me koronavirus. Deri më tani 59 persona kanë humbur jetën në këtë vend.

By I ZH

Leave a Reply