Një grua 37 vjeçare e etnisë rome dhe foshnja e saj kanë vdekur në Shkup, pasi u transportuan me urgjencë nga spitali i Ohrit. Nëna pësoi komplikime që rezultuan në vdekjen e foshnjës së saj në mitër, ndërsa ajo priste të trajtohej me orë të tëra jashtë spitalit. Ajo vdiq më vonë, pasi mjekët në njësinë e kujdesit urgjent nuk ishin në gjendje ta shpëtonin, ka reportuar Errc.org disa ditë më parë.

Ngjarja ka ndodhur në 31 Mars pasi ajo kishte pritur tre ditë pasi i kishin plasur ujërat, që mjekët ta pranonin në klinikën gjinekologjike në Ohër për të lindur. Gruaja vinte nga një familje e varfër dhe jetonte në kushte banimi nën standarde. Ajo vizitoi klinikën disa herë duke u ankuar për dhimbje ekstreme dhe duke treguar shenja të infeksionit, por iu refuzua trajtimi dhe u dërgua në shtëpi. Ajo më pas ishte dërguar në urgjencën në Shkup, ku ka mbetur jashtë spitalit për më shumë se gjashtë orë, ndërsa ata po e testonin atë për virusin Covid-19. Ministria e Shëndetësisë ka konfirmuar që atëherë se rezultatet e saj kishin dal negative.

Gruaja jetonte në kushte të këqija me burrin dhe dy fëmijët, tre dhe gjashtë vjeç. Për shkak të gjendjes së rëndë ekonomike që kishte, ajo nuk ishte në gjendje të përballonte shpenzimet e udhëtimit dhe vizitës shpesh te mjeku. Ajo vizitoi klinikën gjinekologjike në Spitalin e Përgjithshëm të Ohrit për herë të parë pasi plasën ujërat më 26 mars dhe u tha, pas ekzaminimit, se ajo nuk ishte ende e gatshme për të dhënë. Ajo u kthye tre ditë më vonë, më 29 Mars, duke u ankuar për dhimbje të forta, anormale dhe duke treguar shenja të gjakderdhjes dhe infeksionit. I njëjti mjek i tha asaj që nuk ishte ende sa duhet për lindje dhe e dërgoi në shtëpi. Ajo u kthye përsëri ditën tjetër me dhimbje të përkeqësuar dhe u tha nga një mjek tjetër që ajo nuk ishte ende e gatshme për të lindur. Ajo u dërgua përsëri në shtëpi pa asnjë trajtim, përkundër lutjes së mjekut për një prerje cezariane për të lehtësuar dhimbjet. Më 31 Mars ajo mbërriti në klinikë në mëngjes dhe kërkoi vëmendje të menjëhershme pasi nuk mund të duronte më dhimbjet. Një mjek që nuk e kishte parë më parë ishte në detyrë dhe i tha asaj që foshnja e saj ishte në një gjendje të keqe dhe se kishte vështirësi në frymëmarrje. Mjeku bëri thirrje për një automjet urgjent për ta çuar në spitalin e Shkupit në orën 10 të mëngjesit sepse komplikimet e saj ishin shumë të vështira për tu trajtuar në klinikën e Ohrit.

Duke marrë parasysh kohën që duhet për të udhëtuar nga Ohri për në Shkup (dy orë), dhe kohën që do të duhej që shërbimet e urgjencës të përgjigjen, gruaja nuk mund të kishte mbërritur në spitalin e Shkupit më vonë se ora 01:00. Mjekët e gjetën vetëm jashtë spitalit, domethënë që shoferi i automjetit të urgjencës e la pranë dyerve në vend që ta fuste brenda. Ajo kishte ethe të larta, kështu që stafi mjekësor mori një mostër për të testuar Covid-19, ndërsa e lanë atë të presin para dyerve të spitalit derisa të dilnin rezultatet. Ajo nuk u pranua në spital deri në orën 19:30.
Ëhtë e paqartë në qar kohe ka vdekur fëmija; gjatë udhëtimit dy orë në Shkup, ose në gjashtë ose më shumë orë që ajo mbeti jashtë dyerve të spitalit, por mjekët në departamentin e urgjencës së spitalit vunë në dukje se fëmija kishte vdekur gjatë mbërritjes.

Askush nga spitali ka thirr për t’i thënë familjes së saj ose miqve se ajo kishte mbërritur sigurt, ata e morën vesh përmes kontaktit me një mjek Rom që ishte duke punuar në një laborator në Shkup. I vetmi komunikim zyrtar që familja e saj mori nga spitali ishte në orën 8:30 pasdite, kur atyre iu tha se ajo po merrej në operacion për të hequr foshnjën. Pasi ka mbaruar operacioni, ajo raportohet se kishte komplikime të mëtejshme dhe ethe të larta. Ajo ishte intubuar dhe mjekët u përpoqën ta trajtojnë atë për më shumë se dy orë por përfundimisht ishin të pasuksesshme dhe ajo vdiq rreth orës 10:00 të darkës.

Ministria e Shëndetësisë ka konfirmuar që Inspektorati Sanitar dhe Shëndetësor Shtetëror do të fillojë një hetim për vdekjen e saj në Klinikën Universitare të Gjinekologjisë dhe Obstetrikës në Shkup, spitalin në të cilin u soll. Inspektime shtesë do të kryhen në Spitalin e Përgjithshëm Departamenti i Obstetrikës, Gjinekologjisë dhe Neonatologjisë në Ohër dhe me mjekun e familjes.

Informacione të marra nga Errc.org

Shumë media dhe njerëz të etnisë rome, e kanë quajtur këtë si diskriminim dhe racizëm. Ata konsiderojnë se gruaja nuk është pranuar në spital vetëm se ka qenë rome dhe nuk ka pasur gjendje të mirë financirare.

BiMedia